kutubhona

«لاَ يَقْبَلُ اللَّهُ صَلاَةً بِغَيْرِ طُهُورٍ»
«Аллоҳ намозни таҳоратсиз қабул қилмайди». Қуръонда ҳам мана шу маъноларда келган. Аллоҳ Таоло деди:

وَثِيَابَكَ فَطَهِّرْ
«Либосларингизни пок тутинг!» [Муддассир: 4]

مَاء لِّيُطَهِّرَكُم بِهِ
«Сизларни поклаш учун сув (ёмғир ёғдирган эди)» [Анфол: 11]

وَلاَ تَقْرَبُوهُنَّ حَتَّىَ يَطْهُرْنَ
«Ва то покланмагунларича уларга яқинлашмангиз» [Бақара: 222]
Ундан мурод нажосатдан ва ҳайздан покланишдир. Аллоҳ Таоло деди:

اصْطَفَاكِ وَطَهَّرَكِ
«Сени (аёллар орасидан) танлаб олди ва поклади» [Оли Имрон: 42]
яъни айблардан поклади. Аллоҳ Таоло деди:

وَإِن كُنتُمْ جُنُباً فَاطَّهَّرُواْ
«Агар жунуб бўлсаларингиз, покланингиз» [Моида: 6]
яъни нопокликдан покланингиз. «تَطْهِيرٌ » мўминларга оид бўлиб ҳам келган. Аллоҳ Таоло деди:

مَا يُرِيدُ اللّهُ لِيَجْعَلَ عَلَيْكُم مِّنْ حَرَجٍ وَلَـكِن يُرِيدُ لِيُطَهَّرَكُمْ وَلِيُتِمَّ نِعْمَتَهُ عَلَيْكُمْ
«Аллоҳ сизларга машаққат қилмоқни истамайди, балки сизларни поклашни ва сизларга Ўз неъматини комил қилиб беришни истайди» [Моида: 6]

Бу нассларнинг ҳаммаси юқоридаги оятдан мурод Аллоҳ аҳли байтни гумон ва туҳматдан поклаши эканлигини қўллаб-қувватлайди ва ундан Аллоҳ уларни маъсум қилди деган маъно ирода қилинганини рад этади. Чунки бу оят маъсумликка далолат қилмаяпти.

Шунга кўра рисолатни етказишдаги маъсумлик набий ва росулда бўлиши муқаррар эканини кўрсатиб берадиган нарса ақлдир. Зеро кишининг набий ва росул эканлиги унинг маъсум бўлишини тақозо қилади. Акс ҳолда у набий ҳам, росул ҳам бўлмайди. Ақл шуни муқаррар кўрсатадики, Аллоҳдан рисолатни етказиш буюрилган пайғамбардан бошқаси маъсум бўлиши мумкин эмас. Чунки у инсондир. Ундан хато ва унутиш рўй бериб туриши Аллоҳ унда яратган фитратдандир. Қолаверса унга Аллоҳдан келган рисолатни етказиш буюрилмаган. Демак унда маъсум бўлишни тақозо қиладиган нарсанинг ўзи йўқ. Энди у ўзининг маъсумлигини даъво